كفتة الحاتي مقدمه من الشيف وليد السعيد مجلة مطبخ الطبيعة

 اسم الوصفة كفتة الحاتي 

مقدمه من الشيف وليد السعيد 

مدة التحضير ٣٠ دقيقة 

https://youtu.be/HjFyXxaBzRw

المقادير 

 اللحمه تكون مفرومه فرم خشن وليش ناعما

  يضاف  ٢٠ بالمية  دهن بتلو أو لييه ضأن مع بوش من عند الجزار

 تتبل الكفته بملح و فلفل و بشر بصله متوسطه مصفاه جيدا من المياه لإننا هانحتاج ماء البصل عند الشوى يعنى احتفظى فيه

   ملعقتين برغل يتنقعوا فى ماء لمده ساعه ثم يصفوا من الماء جيدا و يتم فرمهم مع اللحم والبصل 

 يقسم الكيلو على  ٨ او  ١٠  من القطع على هيئة كرات و يوضع فى الثلاجه لمده 3 ساعات

 ضعى فى طبق او صينيه مياه البصل و عليها ملعقه بيكربونات صوديوم او (بيكينج باودر)

 طبعا فى ماده ثانيه بتستخدم لكن صعب تلاقيها عند أى عطار عموما هاقول عليها اللى يقدر

 يجيبها ويضيفها بدل البيكربونات اسمها (عطرون) و هى على شكل الملح الخشن و يتم تذويبها

 فى ماء و تصفيتها من الشوائب و طبعا يفضل إذابتها فى ماء البصل

 طلعى الكفته من التلاجه قبل الشوى على طول و تمسكى قطعه الكفته على ايدك وتحطى السيخ عليها من المنتصف و تضغطى اللحمه عليها و تبدأى تفرديها على السيخ بالضغط المتواصل لفوق و تحت لحد ماتتفرد على السيخ بالسمك المناسب  حتى لا تكون  ثخينه  و لا رفيعه و الأهم بعد ماتفرديها بللى ايدك بماء البصل اللى عليها كربونات او عطرون واضغطى على مسافات متباعده بصوابعك حتى تعملى فروق فى السيخ لا تبقى  الكتله كلها  قطعة  واحده  بيقلل من وزن الكفته على السيخ ويمسك جيدا

 ملحوظه:

فائده البيكربونات الصوديوم أو العطرون انه بيجعل اللحمه تتماسك بسرعه اول ماتشم النار .

وبالف هنا وصحة تحياتى شيف_وليد_السعيد